主页 > 图集焦点 >盘点TVB警匪片10大特色 网民：手枪啲弹射唔完! >

最近无綫热播警匪片《铁探》，紧凑嘅剧情、惠英红同姜皓文精湛演技睇到观众非常肉紧，深宵时间又重播《法证先锋》系列，勾起网民对大台警匪片嘅回忆。近日有网民根据自己20年嚟睇剧嘅经验，总结出10大TVB警匪片特色，当中「吴卓羲必因冲动累事」相信引起好多人嘅共鸣！

TVB警匪片10大特色：

1. 交收地点经水路多为龙鼓滩，而龙鼓滩必为流料地点

《铁探》第2集入面，秉高(姜皓文饰)、大威等人接到山狗(林伟饰)指示準备行动，交易地点正係龙鼓滩！

2. 至少安排一次于货柜场打斗

网民指TVB警匪片其中一个特色係至少安排一次于货柜场打斗，而《铁探》第2集，毒品大亨严世孝交易毒品正喺货柜码头发生！

3. 宣萱成为绑架目标

无论喜剧悲剧、现代古代，有宣萱嘅剧集就会有绑架发生，佢喺18年内所演的角色共被胁持22次，连电影和新加坡剧合共被胁持24次，堪称人质王，但最离奇係被胁持的她每次最后都平安冇事。

4. 吴卓羲必曾因冲动累事

吴卓羲老是常出现，由旧款制服演到新款制服，涵盖警队不同阶层，包括学警、散仔、蓝帽子、CID、飞虎队同埋其他特种部队，甚至连卧底都演过，份CV靓仔过唔少真警察，之不过，其角色大都係衰冲动累事！

5. 结局时有别其他剧天台BBQ，多会全team人收call然后一起出动冲向镜头方向

结局时全team人收call然后一起出动冲向镜头方向，嗱，最近嘅例子係上周播出《法证先锋》大结局，欧阳震华向蒙嘉慧求婚后，众人收到传呼机短讯通知有案件发生，欧阳震华话要立即做嘢，十几人浩浩荡荡出发！

6. 主角条team多数为4男1女阵容，而当中基本有角色叫大X、细X、小X

7. 卧底中必有一死或变节

卧底中有人死、变节似乎係定律，喺《使徒行者2》第一集就带来大震撼场面，卓Sir苗侨伟带住5个卧底在泰国进行任务，完成后正向上司报喜领功，5个卧底却在屋内被炸得粉身碎骨。

8. 白人演员如河国荣、布伟杰，至少为警司级别

9. 左轮手枪命中率奇高

在不少剧中，左轮手枪杀敌次数和威力远高于其他一切知名枪械，如狙击步枪、霰弹枪、冲锋枪等！

10. 重案组只建立于西九龙警区，其他警区没有重案组

警匪片就当然唔少得重案组，但唔知点解永远都係关「西九重案组」嘅事，彷彿全港只有西九龙警区有重案组！